নীলা খামৰ চিঠি

চাও মুক্তিনাথ গগৈ

এজাক ধুমুহাই
মোৰ হেপাহৰ ফুলনিখন আতৰাই নিলে
বহুদুৰ বহুযোজন ।।
আবেলিৰ হেঙুলিয়া আভাই
আজিকালি মোক আমনি নকৰে...
তোমাৰ স্মৃতি সোঁৱৰাই ।।
নতুবা নকৰে,সূয্যাস্তক হাতবাই বিদায় জনোৱা
সেই বগা বগলীজাকেও ।।
যাৰ পিঠিত উঠি মই গৈছিলো
তোমাৰ আকুলতাৰ কাষলৈ ।।
সময়ৰ গতিশীলতা বা বামৰলীয়ে
মোক আজি নিচেই অকলশৰীয়া কৰি তুলিলে ।।
কিন্ত
হিয়াৰ কোণত এতিয়াও তোমাৰ স্মৃতি..
পৰি আছে নীলা খামৰ চিঠিহে.... ।।